اسلام آباد (این این آئی) پاکستان مسلم لیگ (ن)کے رہنما سینیٹر پرویز رشید نے کہا ہے کہ تنخواہ بڑھے یا نہ بڑھے بس وہ ٹیکا مل جائے جس کے لگنے سے روپیہ ڈالرکی شکل میں نظر آئے۔سینیٹ میں ارکان پارلیمان کی تنخواہوں میں اضافے کے بل پر اظہار خیال کرتے ہوئے پرویز رشید نے کہا کہ میں اس قابل نہیں کہ مجھ جیسے غریب شخص کو وہ ٹیکا ملے جو روپیہ ڈالر لگے۔انہوں نے کہا کہ تنخواہ بے شک نہ بڑھائیں وہ ٹیکا مل جائے اور لگ جائے، ایسے دوست لادیں

جو ہم پر خرچہ کریں، جو ہمیں جہازوں میں لیکر چلیں، وزیر اعظم کا کوئی دوست نہیں ہوتا جو اخراجات اٹھائے۔سینیٹر پرویز رشیدنے کہا کہ جب دوست وزیر اعظم کے اخراجات اٹھائیں گے تو پوری قوم کو ان کیاخراجات اٹھانے پڑیں گے، دوستوں نے آپ کو دو روٹی کھلائی قوم آٹے سے محروم ہو گئی، دوست نے آپ کی کافی میں شکر ڈالی ملک سے چینی ختم ہو گئی۔سینیٹر پرویز رشید نے کہا کہ دوست صرف تب تک رہیں گے جب تک آپ وزیر اعظم ہیں۔