اسلام آباد(مانیٹرنگ ڈیسک) مسلم لیگ (ن )کے صدر شہبازشریف کے خلاف خبر چھاپنے والے برطانوی صحافی اور اخبار کو 12 لاکھ پائونڈ جرمانہ عائد۔ڈیوڈ روز اور میل آن سنڈے نیلسن کے رہائشی برطانوی نژاد پاکستانی واجد اقبال سے کیس ہار گئے۔ کیس شروع ہونے سے پہلے ہی اخبار نے عدالت کے باہر تصفیہ کر لیا جبکہ کیس کا آغاز رواں سال اپریل میں ہونا تھا۔نجی ٹی وی سے بات کرتے ہوئے واجد اقبال کا کہنا تھا کہ اخبار کی جھوٹی خبر نے میرا گھر تباہ کر دیا۔

میں دو سال تک اپنے بچوں سے نہیں مل سکا ۔اخبار نے میرا انتخاب میری پاکستانی شہریت کی وجہ سے کیا۔ واجد اقبال کے وکیل مارک لوئس کا کہنا ہے کہ واجد اقبال کے پاکستانی شہری ہونے کی وجہ سے ان کا نام مختلف کیسز میں لیا گیا اور اسی کو بنیاد بنا کر آرٹیکل لکھا گیا۔اخبار کی جانب سے ایسا آرٹیکل مسلم دشمنی کی مثا ل ہے۔یاد رہے کہ ڈیوڈ روز کیخلاف  شہبازشریف نے بھی اپنے خلاف ایک جھوٹی خبر شائع کرنے پر کیس دائر کررکھا ہے ۔

موضوعات:ڈیوڈ روز شہبازشریف