سرگودھا(این این ائی)قومی شاہراہ موٹر وے پر سرگودھا کے انٹر چینج بھیرہ کے قریب مسافر ویگن میں اچانک آگ بھڑک اٹھنے سے گیارہ مسافر جھلس کر جاں بحق اور دو خواتین ،ایک بچے سمیت چھ افراد جھلس کر زخمی ہو گئے جن کو ریسکیو کر کے ٹی ایچ کیو ہسپتال بھیرہ منتقل کر دیاگیا۔
ذرائع کے مطابق قومی شاہراہ موٹر وے پر لاہور سے اسلام جانے والی ویگن سرگودھا کے انٹر چینج بھیرہ اور فلائی اوور کے قریب ٹائر برسٹ ہو جانے سے بے قابو ہو کر درخت سے جا ٹکرائی اور ویگن میں آگ بھڑک اٹھی جس کے نتیجہ میں جھلس کر گیارہ مسافر طارق محمود،احسن محمود وغیرہ جاںبحق ہو گئے اور دو خواتین ،ایک بچے سمیت چھ زخمیوں عزیزہ بی بی،منیراں بی بی، محمد افصل،نوید، ڈرائیورمحمد یار ساکن مردان شدید زخمی ہو گئے جن کو ریسکیو کر کے ٹی ایچ کیو ہسپتال بھیرہ پہنچا کر زخمیوں کو ڈی ایچ کیو ہسپتال سرگودھا ریفر کر دیا گیا۔نعشوں اور زخمیوں کو نکالنے کے لئے طویل ریسکیو آپریشن جاری رہا۔اس ویگن میں سترہ مسافر سوار تھے جن میں 11 جاںبحق اور چھ جھلس کر زخمی ہوئے ۔حادثہ پر وزیراٰعلی پنجاب نے گہرے دکھ اور غم کا اظہار کرتے ہوئے جاںبحق افراد کے پسماندگان سے تعزیت کی ہے۔ڈپٹی کمشنرسرگودہاعبدللہ نیئرشیخ نے بھیرہ بھلوال روڈپرموٹروے فلائی اوورکے قریب حادثہ میں جا ںبحق اورزخمی ہونے والے افرادکے بارے معلومات کیلئے 0489230023اور03458600503رابطہ نمبررمقررکیے ہیں اورعوام الناس کوہدایت کی ہے کہ اس افسوس ناک سانحہ کے جاںبحق اورزخمیوں کے بارے معلومات کیلئے رابطہ کریں۔
