کراچی(این این آئی)مہنگائی سے پریشان عوام کو وفاقی حکومت نے خوشخبری سنادی، یوٹیلیٹی اسٹورز کے ذریعے50 لاکھ خاندانوں میں راشن کارڈ تقسیم کیے جائیں گے۔تفصیلات کے مطابق وزیر اعظم عمران خان کی خصوصی ہداہت پر یوٹیلیٹی اسٹورز کے ذریعے عوام کو آٹا، چاول، چینی، دالیں اور گھی ارزاں نرخوں پر فراہم کی جائیں گی۔اس سلسلے میں حکومت 50 لاکھ خاندانوں میں راشن کارڈ تقسیم کرے گی،
اس حوالے سے یوٹیلیٹی اسٹورز کارپوریشن کی جانب سے تیاریاں مکمل کرلی گئی ہیں۔راشن کارڈ اسکیم سے 50لاکھ گھرانے استفادہ حاصل کریں گے، یوٹیلیٹی اسٹورز کارپوریشن کے بورڈ آف ڈائریکٹرز کے چیئرمین ذوالقرنین علی خان کے مطابق یوٹیلیٹی اسٹورز پر آٹے کی دستیابی کے لیے دو لاکھ ٹن گندم بھی حاصل کرلی گئی ہے۔اس کے علاوہ یوٹیلٹی اسٹورز پر اشیاء خوردونوش کا معیار بھی بہتربنانے کے لیے بھی اقدامات کیے جا رہے ہیں۔
