سکھر(مانیٹرنگ ڈیسک)سکھر میں 3 منزلہ عمارت زمین بوس ہو گئی، ریسکیو ذرائع کا کہنا ہے کہ رہائشی عمارت حسینی روڈ پر واقع ہے،مذکورہ عمارت میں دو سے تین خاندان رہائش پذیر تھے۔ مقامی افراد ایمرجنسی لائٹس لے کہ ریسکیو آپریشن میں مصروف عمل ہیں،

کمشنر سکھر نے ہلاکتوں اور زخمیوں کی تصدیق کر دی ہے، دو خواتین اور ایک بچی کی ہلاکت کی تصدیق کی گئی ہے اس کے علاوہ نو افراد کے زخمی ہونے کی اطلاعات ہیں۔ بتایا جاتا ہے کہ چار سگے بھائیوں کی فیملی کے بیس سے زائد افراد اس بلڈنگ میں مقیم تھے، رسکیو آپریشن جاری ہے اور مزید افراد کے ملبے تلے دبے ہونے کا خدشہ ہے، لوگوں نے جب اس واقعے کی اطلاع سنی تو وہ فوراً گھروں سے باہر نکل آئے اور ریسکیو آپریشن میں شامل ہو گئے۔ ریسکیو آپریشن جاری ہے اس میں پاک فوج کے جوان اور رینجرز بھی شریک ہیں اور ہیوی مشینری کے ذریعے ملبے کو ہٹانے کا کام جاری ہے، دوسری جانب وزیراعلی سندھ سید مراد علی شاہ نے سکھر میں حسینی روڈ پر تین منزلہ عمارت گرنے کا نوٹس لیتے ہوئے عمارت گرنے کے اسباب پر تحقیقاتی رپورٹ طلب کرلی ہے۔ انھوں نے کمشنر سکھر کو ٹیلیفون پر رابطہ کرتے ہوئے ہدایت کی کہ ملبے تلے پھنسے لوگوں کو فورا نکالا جائے اورکوشش کریں کوئی جانی نقصان نہ ہونے پائے۔ وزیراعلی سندھ مزید ہدایت کی کہ متاثرہ خاندانوں کی ہر ممکن مدد کی جائے اور ملبے سے نکلنے والوں افراد کو اسپتال میں علاج کروایا جائے۔