نواب شاہ(این این آئی) کراچی سے لاہور جانے والی شالیمار ایکسپریس کی 3 بوگیاں چلتی ٹرین سے الگ ہوگئیں۔تفصیلات کے مطابق مسافروں سے بھری شالیمار ایکسپریس کراچی سے لاہور جارہی تھی کہ نواب شاہ میں میونسپل اسکول کے قریب چلتی ٹرین سے 3 بوگیاں الگ ہوگئیں۔بوگیاں ٹرین سے الگ ہونے کے معاملے کو تکنیکی خرابی قرار دیا جارہا ہے جب کہ اطلاع ملنے پر ریلوے پولیس،حکام اور ٹرین مکینیکل
عملہ موقع پر پہنچ گیا۔ٹرین کا مرمتی کام جاری ہے جس کی وجہ سے ٹریک پر ٹرینوں کی روانی معطل کردی گئی، بوگیاں ٹرین سے الگ ہونے پر مسافروں میں تشویش کی لہر دوڑ گئی اور وہ فوری مدد کے لیے حکام اور اپنے پیاروں سے رابطہ کرتے رہے۔شالیمار ایکسپریس صبح 6 بجے کراچی کینٹ سے لاہور کے لیے روانہ ہوتی ہے تاہم دھند کے باعث ٹرینوں کی آمد و رفت تاخیر کا شکا رہے۔
