لاہور(این این آئی) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ تحریک انصا ف کی حکومت نے 16 ماہ میں ہی ہر پاکستانی کو 46 ہزار روپے کا مزید مقروض کر دیا ہے اور آئی ایم ایف سے مزید قرضہ لے کر پھولے نہیں سما رہی حکومت نے قرضوں کا بوجھ بڑھانے کے سابق تمام ریکارڈ توڑ دیئے ہیں ماضی کی حکومتوں کو کوسنے والے عمران خان نے مجموعی طور پر

سابق دونوں حکومتوں سے زیادہ قرضہ لے لیا ہے اپنے ایک بیان میں انہوں نے کہا کہ روپیہ نیچے اور مہنگائی اوپر جارہی ہے، غربت اور بیروز گاری میں تیزی سے اضافہ ہوتا جا رہا ہے۔ عمران خان کی حکومت نے اپنے ابتدائی دور حکومت میں قرضے حاصل کرنے کے پچھلے سارے ریکارڈ توڑ دیئے ہیں حالانکہ ماضی میں عمران خان نے کہا تھا کہ خود کشی کر لوں گا، قرض نہیں لوں گا۔