کوئٹہ ( آن لائن )نواب اکبر خان بگٹی کے صاحبزادے نوابزادہ جمیل اکبر خان بگٹی نے کہا ہے کہ مجھے خوشی اس وقت ہوتی جب شہید نواب اکبر خان بگٹی کیس میں پرویز مشرف کو سزاے موت دیتی، بلوچستان ہائیکورٹ نے ہمیں سنے بغیر پرویز مشرف کو بری کر دیا۔
اب دیکھنا ہے مشرف کے سزائے موت کے فیصلے پر عملدرآمد کون کرے گا ،مجھے حیرانگی ہوتی ہے کہ محمود خان اور حاصل بزنجو کا بیا ن آتا ہے کہ سلیکٹڈ حکومت ہے خو د تو پچھلے پانچ سال حکومت میں تھے بلوچستان کو لوٹ رہے تھے اس وقت بھی طاقتور قوتوں کا آشیرباد حاصل تھا، اب واویلا کررہے ہیں ،ان خیالات کااظہارانہوں نے میڈیا سے بات چیت کرتے ہوئے کیا،انہوں نے کہا کہ پرویز مشرف فیصلے پر عملدرآمد کون کرے گا مجھے خوشی اس وقت ہوتی جب شہید نواب اکبر بگٹی کیس میں فیصلہ ہوتا ۔بلوچستان ہائیکورٹ نے ہمیں سنا بغیر پریز مشرف کو بری کر دیا۔ ہمارے ساتھ نا انصافی ہوئی ہے اور سابق چیف جسٹس آف پاکستان ثاقب نثار کو خط بھی لکھا تھا۔ مجھے ان عدالتوں پر اعتماد نہیں تھا پرویزمشرف کو ملک سے باہر جانے دیا ۔مسلم لیگ(ن)اور پیپلز پارٹی نے ساتھ نہیں دیا۔وزیر اعظم عمران خان پرویز مشرف کو بچانے کی کوشش کررہے ہیں کیونکہ ریفرنڈم میں ان کا ساتھ دیاتھا ۔مجھے اکثر حیرانگی ہوتی ہے کہ محمود خان اچکزئی اور حاصل خان بزنجو کابیان آتا ہے کہ یہ سلیکٹڈ حکومت ہے خود تو پچھلے پانچ سال حکومت میں تھے۔ بلوچستان کو لوٹ رہے تھے اس وقت بھی طاقتور قوتوں کا آشیرباد تھا ۔اب واویلا کررہے ہیں ملا ملٹری الائنس کا جنم جنم طاقتورقوتوں کے ساتھ ہے ۔
