نیویارک(اے این این ) سیاحت کے معروف امریکی جریدے کونڈے ناسٹ ٹریولر نے پاکستان کو سال 2020 میں سیاحت کے لیے دنیا کا اولین بہترین ملک قرار دے دیا۔سیاحتی امور سے متعلق امریکا کے معروف میگزین کونڈے ناسٹ ٹریولر Conde Nast Traveller نے سال 2020 میں تعطیلات میں دنیا گھومنے کے لیے 20 ممالک کی فہرست جاری کی ہے جس میں پاکستان کو سرفہرست رکھا گیا ہے۔

میگزین کے مطابق طالبان کے ختم ہوتے ہوئے اثر و رسوخ، سیکیورٹی اور امن کی بحالی، نرم ویزا پالیسی، دنیا کے سب سے بلند پولو گرائونڈ، شندور میلے، بلند پہاڑ، وادی کیلاش، ملکی ثقافت، تاریخی مقامات کی وجہ سے پاکستان کو اس فہرست میں اول نمبر پر رکھا گیا ہے۔فہرست کے مطابق برطانیہ(پولیمیتھ)کو دوسرے، کرغستان تیسرے، ارمینیا چوتھے اور برازیل(سلواڈور)کو پانچویں نمبر پر رکھا گیا ہے۔