اسلام آباد(نیوزڈیسک )جدید تحقیق کے بعد طبی ماہرین یہ نتیجہ اخذ کرنے پر مجبور ہوگئے ہیں کہ گہرے سبز رنگ کے پتوں والی سبزیوں میں ایسے وٹامن اور نمکیات پائے جاتے ہیں جو کہ نہ صرف آنکھوں کی بینائی کو درست رکھنے میں معاون ثابت ہوتے ہیں بلکہ آنکھوں میں موتیا اتر آنے کے امکانات بھی ختم ہوجاتے ہیں۔امریکی ریاست اوہایو میں کی جانے والی ایک حالیہ ریسرچ اور لیباٹری تجزیوں سے پتہ چلا ہے کہ پالک ، میتھی ، خرافہ، سرسوں کا ساگ ، پتوں والے شلجم اور چقندر کے علاوہ ایسی ہی دوسری سبزیاں جن کے پتے گہرے سبز ہوتے ہیں ، میں زیکسین تھین نامی ج±ز پایا جاتا ہے جو اینٹی اکسیڈنٹ ہے۔ موتیا کے مرض کو روکنے میں معاون ثابت ہوتے ہے کیونکہ یہ عدسے کے خلیوں کو الٹراوائیٹ شعاعوں سے محفوظ رکھتا ہے۔ ماہرین کے مطابق لیوٹین اور زیکسین تھین نامی ج±ز وٹامن ای سے بھی دس گ±نا زیادہ طاقتور ہے۔