ہانگ کانگ سٹی (این این آئی)چین کے خصوصی انتظامی علاقے ہانگ کانگ کے بلدیاتی انتخابات میں جمہوریت نواز گروپ کو شاندار کامیابی حصل ہوئی ہے۔ مقامی میڈیا کے مطابق ضلعی کونسل کی چار سو باون نشستوں میں سے اکثریت پر جمہوریت نواز گروپ کے امیدوار کامیاب ہوئے ہیں۔ اس طرح ضلعی کونسل کی اٹھارہ میں سے
سترہ سیٹیں اس گروپ کے حصے میں آئی ہیں۔ ان انتخابات میں ووٹ ڈالنے کی شرح اکہتر فیصد رہی جو غیرمعمولی خیال کی گئی ہے۔انتخابات کے نتائج کا رجحان دیکھتے ہوئے انتظامی لیڈر کیری لیم نے کہا کہ وہ عوامی رائے کو کھلے ذہن کے ساتھ سننے کے لیے تیار ہیں۔
