کراچی(سی پی پی)وفاقی وزیرپورٹ اینڈشپنگ علی زیدی نے کہا ہے کہ فلم گاڈفادربنانے والے کو پاکستان کے شریف خاندان پرفلم بنانا چا ہیے، اللہ کا قہر ان لوگوں پرنازل ہو، جنہوں نے اس ملک کولوٹا۔تفصیلات کے مطابق وفاقی وزیرپورٹ اینڈشپنگ علی زیدی نے سماجی رابطے کی ویب سائٹ ٹوئٹر پر
نواز شریف کی ویڈیو شیئر کرتے ہوئے پیغام میں کہا کہ فلم گاڈفادربنانے والے فرانسس فورڈ کوپاکستان کے شریف خاندان پرفلم بنانا چا ہیے، اللہ ان تمام لوگوں پرکرم فرمائے جواس عظیم ملک اوراس کے عوام کے لئے جنگ کررہے ہیں اور اللہ کا قہر ان لوگوں پر نازل ہو، جنہوں نے اس ملک کو لوٹا۔
