لاہور (آن لائن) جاتی امرا میں گزشتہ چھ روز سے زیر علاج سابق وزیراعظم نواز شریف کی صحت بدستور خراب ہے۔ جہاں نواز شریف کے پلیٹ لیٹس کم ہونے کے ساتھ ساتھ ان کے جسم پر خون کے دھبے پڑنا شروع ہوگئے ہیں۔ ڈاکٹروں کی ٹیم نے نواز شریف کو ممکنہ انفیکشن سے محفوظ رکھنے کے لئے مختلف احتیاطی تدابیر اپنانے کی ہدایات
کردی ہیں۔ مجموعی طور پر گزشتہ 22 روز سے زیر علاج سابق وزیراعظم سے ملاقات کے لئے شریف فیملی کے ممبران کو ماسک پہن کر ان سے ملنے کی ہدایات جاری کی گئی ہیں۔ میڈیکل بورڈ کا کہنا ہے کہ اگر سابق وزیراعظم کو فوری علاج کے لئے بیرون ملک نہ بھیجا گیا تو انکا نا صرف سفری بلکہ علاج کاآپشن بھی متاثر ہوسکتا ہے۔
