اسلام آباد (این این آئی)پاک فضائیہ نے سومیانی رینج پر فائر پاور کا شاندار مظاہرہ کیا، پاک فضائیہ کے تمام لڑاکا طیاروں نے اس مظاہرے میں حصہ لیا ۔صدرِ پاکستان ڈاکٹر عارف علوی تقریب کے مہمان خصوصی ہیں تھے پاک فضائیہ کے سربراہ ائیر چیف مارشل مجاہد انور خان بھی اس موقع پر موجود تھے ۔
چیئرمین جوائنٹ چیفس آف اسٹاف کمیٹی جنر ل زبیر محمود حیات کی بھی مظاہرے میں شرکت کی ۔ JF-17 تھنڈر طیارے کی سولو ائیروبیٹکس اور پاک فضائیہ کی ائیروبیٹکس ٹیم شیر دل کے فضائی کرتب بھی تقریب کا حصہ تھے ۔پاک فضائیہ کے اسپیشل سروسز ونگ کے کمانڈوز بھی اس مظاہرے میں حصہ لے رہے تھے۔
