اسلام آباد (این این آئی)جمعیت علمائے اسلام (ف) کے حکومت مخالف احتجاجی دھرنے میں توسیع سے وفاقی پولیس کی مشکلات میں اضافہ ہو گیا، دیئے گئے7 کروڑ روپے ختم ہونے کے قریب ہیں۔نجی ٹی وی کے مطابق جے یو آئی کے دھرنے میں توسیع کے باعث پولیس کی مالی و انتظامی مشکلات میں اضافہ ہونے لگا ۔ ذرائع نے بتایا کہ حکومت کی جانب سے دئیے جانے والے 7 کروڑ روپے ختم ہونے کے قریب ہیں ،

مانگے گئے 25 کروڑ میں سے باقی 18 کروڑ روپے تاحال جاری نہیں کیے گئے۔کوہسار کمپلیکس میں رہائش پذیر پولیس اہلکاروں کو بلڈنگ سے نکالے جانے کے بعد اہلکاروں کی رہائش کا بھی مسئلہ شدت اختیار کرنے لگا ، دیگر علاقوں سے بلوائے گئے اہلکار سڑکوں پر بیٹھنے پر مجبور ہیں۔ آزادی مارچ اور دھرنے سے نمٹنے کے لئے وفاقی دارالحکومت میں 23 ہزار اہلکار ڈیوٹی سر انجام دے رہے ہیں۔

موضوعات:جے یو آئی کے دھرنے میں توسیع