اسلام آباد (مانیٹرنگ ڈیسک)پی ٹی آئی رہنمااعظم سواتی نےنجی ٹی وی پروگرام میں گفتگو کرتے ہوئے کہا کہ میں نو سال تک مولانا فضل الرحمان کے ساتھ ان کی پارٹی میں رہا ہوں، میں اُن کا دست راست تھا۔ میں نے آج تک ان سے متعلق کوئی بات نہیں کہی۔ لیکن میں اللہ کی قسم کھا کر کہتا ہوں کہ عمران خان کے سامنے مولانا فضل الرحمان کی حیثیت آٹے میں نمک کے برابر بھی نہیں ہے۔
انہوں نے کہا کہ خدا تعالیٰ کا شکر ہے کہ میری زندگی
دین کے ساتھ گزری ہے۔ میں امریکہ میں بھی رہا تو میری زندگی دین کے ساتھ گزری ۔ انہوں نے کہا کہ میں نے دین اور پاکستان کے معاملے میں کبھی سمجھوتہ نہیں کیا۔ انہوں نے کہا کہ یہ سب لوگ مل کر قادیانیت کی بات کر رہے ہیں۔میں اور عمران خان ہم دونوں قادیانیت پر لعنت بھیجتے ہیں۔انہوں نے عمران خان سے متعلق بات کرتے ہوئے کہا کہ ان کا دین پکا ہے،ان کے اصول پکے ہیں ، اُن کی نبی کریم ﷺ کے لیے بے پناہ محبت ہے۔
