اسلام آباد (مانیٹرنگ ڈیسک )جمعیت علماء اسلام (ف)کی اعلی قیادت حکومت سے تصادم کیلئے تیار ہے ، مولانا فضل الرحمان پشاور موڑ پر مطلوبہ تعداد میں کارکن اکٹھا کرنے کے بعد حکومت سے مطالبات منوانے کیلئے تل گئے اور ریڈزون میں داخل ہونے کی کوشش کریں گے جس کے نتیجہ میں تصادم کا خطرہ ہے ۔مقامی اخبار میں شائع رپورٹ میں بتایا گیا کہ
خفیہ اداروں کی رپورٹ کے مطابق مولانا فضل الرحمان نے مطلوبہ ٹارگٹ پورا کر لیا ہے ۔ ذرائع کا کہنا ہے کہ نواز لیگ ، بختون میپ کا ریڈزون میں داخلے کیلئے سربراہ جے یو آئی پر دبائو ہے ، حساس علاقے میں مارچ کے جانے کو صرف فوج ہی کنٹرول کر سکتی ہے ۔ جبکہ مولانا فضل الرحمان کا کہنا تھا کہ عوام نے مجبور کیا تو ہمیں ریڈزون جانے سے کوئی نہیں روک سکتا ۔
