پشاور(این این آئی) محکمہ موسمیات نے خیبرپختونخوا کے بیشتر علاقوں میں مزید بارشوں کی پیش گوئی کردی۔محکمہ موسمیات کے مطابق گزشتہ شب بھی سوبے کے بیشتر علاقوں میں بارش ہوئی، پشاور میں تین ملی میٹر، سیدو شریف میں 12، چراٹ میں پانچ، چترال میں 9، کالام میں 18، دیر میں 26، ملاکند میں 10 اور

بونیر میں ایک ملی میٹر بارش ریکارڈ کی گئی جبکہ دیگر علاقوں میں بھی کہیں کہیں ہلکی ہلکی بارش ہوئی۔محکمہ موسمیات کے مطابق آئندہ 24 گھنٹوں کے دوران صوبے کے بیشتر علاقوں میں مزید بارش کا امکان ہے۔پشاور میں آج کم سے کم درجہ حرارت 14 جبکہ زیادہ سے زیادہ 24 ڈگری سینٹی گریڈ ریکارڈ کی گئی۔