اسلام آباد (این این آئی)وفاقی دارالحکومت اسلام آباد میں مولانا فضل الرحمن کی جانب سے آزادی مارچ کو ڈی چوک لے جانے کا اشارہ ملنے کے بعد انتظامیہ اور پولیس نے ڈی چوک کی طرف جانے والی سڑکیں بلاک کر دیں ۔گزشتہ روز مولانا فضل الرحمٰن نے اسلام آباد میں آزادی مارچ
سے خطاب میں وزیراعظم عمران خان کو استعفے کے لیے دو روزکی مہلت دے دی تھی اور کہا تھا کہ اگر انہوں نے دو روز میں استعفیٰ نہ دیا تو یہ اجتماع قدرت رکھتا ہے کہ خود وزیر اعظم کو گھر جا کر گرفتار کر لے گا۔دوسر ی جانب پولیس نے ڈی چوک کی جانب جانے والی سڑکیں بلا ک کر دیں ۔
