اسلام آباد (این این آئی)اسلام آباد ہائی کورٹ میں سابق وزیر نواز شریف کی طبی بنیادوں پر ضمانت کی درخواست پر سماعت (آج) منگل کو ہوگی جس میں عدالت عالیہ نے وزیر اعلیٰ پنجاب سردار عثمان بزدار کو طلب کررکھا ہے، وزیر اعلیٰ بھی پیش ہونگے۔تفصیلات کے مطابق اسلام آباد ہائی کورٹ میں سابق وزیر نواز شریف کی طبی بنیادوں پر ضمانت کی درخواست پر سماعت (آج) منگل کو ہوگی۔ عدالت عالیہ نے گزشتہ سماعت پر وزیر اعلیٰ پنجاب سر دار عثمان بزدار

کو طلب رکھا ہے اور سردار عثمان بزدار نے پیش ہونے کا فیصلہ کیا ہے۔ دوسری جانب سابق وزیر اعظم نواز شریف نے اسلام آباد ہائی کورٹ میں متفرق درخواست دائر کردی،درخواست میں منگل کو حاضری سے استثنیٰ کی استدعا کی گئی۔درخواست میں موقف اختیار کیا گیاکہ بیماری کی وجہ سے عدالت پیش نہیں ہوسکتا، عدالت پیر کو حاضری سے استثنیٰ دے۔نواز شریف کی طبی بنیادوں پر ضمانت کے لئے شہباز شریف کی درخواست پر سماعت (آج) منگل کو ہوگی۔