اسلام آباد (مانیٹرنگ ڈیسک) ن کے رہنما خواجہ سعد رفیق کی ساس انتقال کر گئی ہیں۔ تفصیلات کے مطابق مسلم لیگ ن کے رہنما و سابق وزیر ریلوے خواجہ سعد رفیق کی ساس انتقال کر گئیں جس کیلئے ن لیگی رہنما نے پے رول پر رہائی کی درخواست جمع کروا دی ہے۔ ذرائع نے بتایا ہے کہ خواجہ سعد رفیق نے ساس کے
انتقال کی وجہ سے 3دن کیلئے پے رول پر رہائی کی درخواست دی ہے ۔انہوں نے اپنی ساس کے انتقال کے بعد ان کی آخری رسومات میں شرکت کیلئے پے رول پر رہائی کی درخواست کی ہے۔واضح رہے کہ پیراگون ہاؤسنگ اسکیم کیس میں خواجہ برادران جیل میں قید ہیں ان کی رہائی کی درخواستیں مسترد ہو چکی ہیں۔
