نارووال (این این آئی)نارووال میں ایک ماہ قبل قتل ہونے والی دسویں جماعت کی طالبہ کے قاتل کو پولیس نے گرفتار کر لیا، مقتولہ کا قاتل اس کا شوہر نکلا،شادی کے 15 دن بعد عائشہ کو اس کے شوہر عدنان نے فائر نگ کر کے قتل کر دیا تھا۔پولیس کے مطابق سیالکوٹ سے تعلق رکھنے والی طالبہ عائشہ نے نارووال کے رہائشی عدنان

سے پسند کی شادی کی تھی۔شادی کے 15 دن بعد ملزم نے لڑکی کو قتل کر کے نارووال کے علاقے تھانہ صدر کی حدود میں پھینک دیا تھا۔گرفتاری کے بعد ملزم عدنان نے پولیس کو بیان دیا ہے کہ عائشہ کو رکھنے کے لیے میرے پاس رہائش اور پیسے نہیں تھے۔اس کا یہ بھی کہنا ہے کہ عائشہ کو رشتے داروں کے پاس لے جا کر رہتا تھا، جس کی وجہ سے رشتے دار مجھ سے اکتا گئے تھے۔