اسلام آباد (مانیٹرنگ ڈیسک)سینئر صحافی اعزاز سید نے مائیکروبلاگنگ ویب سائٹ ٹویٹر پر اپنے پیغام میں کہا ہےکہ نوٹ کر لیجئے کہ اگر نوازشریف کو خدانخواستہ کچھ ہوا تو وزیراعظم عمران خان کی سابق وزیراعظم کے جیل سیل سے اے سی اتروا دینے والی تقریر ان کے خلاف ایف آئی آر کے متن کا حصہ ہو گی ۔ انہوں نے کہا کہ خدا ہمارے ملک پر رحم کرے۔یاد رہے کہ ماضی میں اپنے خطاب میں وزیراعظم عمران خان نے  نواز شریف کے بارے میں بات

کرتے ہوئے کہا تھا کہ یہ کہتے ہیں کہ جیل کا کھانا اچھا نہیں ہے، گھر سے کھانا منگوانےکی اجازت دی جائے اور جیل میں اے سی اور ٹی وی کے بھی مزے اڑا رہے ہیں۔ انہوں نے کہا کہ 80 فیصد پاکستانیوں کے پاس تو اے سی نہیں ہے جبکہ 60 فیصد کے پاس ٹی وی بھی نہیں، اگر یہ سہولیات آپ کو جیل میں مل رہی ہیں تو پھر نصف پاکستانی تو خوشی سے جیل میں جائیں گے، یہ سزا تو نہیں ہوئی، میں ان سے جیل میں اے سی اور ٹی وی کی سہولت واپس لوں گا۔