لاہور( این این آئی )پولیس نے شالیمار کے علاقہ میں40سال پرانے دربار کو توڑ کر میت کی بے حرمتی پر خواتین سمیت 12افراد کے خلاف مقدمہ درج کر لیا ، پولیس کی سخت سکیورٹی میں میت کی دوبارہ تدفین کر دی گئی ۔ ڈی ایس پی عاطف معراج کے مطابق شالیمار بوگی روڈ پر 1975 میں پیر بابا اللہ د تہ وفات پاگئے تھے ۔مغلپورہ لاہور شالیمار کے
علاقہ بوگی وال میں پیر اللہ دتہ کا دربار ہے ۔مریدین نے دربار کو توڑ کر قبر کی بے حرمتی کی اور میت کو نکال کر اپنے گھر لے گئے ۔ مریدو ں نے موقف اپنایا کہ ہم اپنے بابا جی کا سکھر شہر میں دربار بنانا چاہتے ہیں۔ پولیس کے مطابق میت کی دوبارہ تدفین کردی گئی ہے جبکہ ملزمان کے خلاف مقدمہ در ج کر کے کارروائی کا آغاز کر دیا گیا ہے ۔
