اسلام آباد (مانیٹرنگ ڈیسک) آج کل سوشل میڈیا پر ناروے میں رہائش پذیر برہان چشتی کی شادی وائرل ہے، وہ اپنی شادی میں ایک پنجابی گانے پر رقص بھی کرتے نظر آ رہے ہیں، برہان چشتی کا قد صرف دو فٹ ہے اور انہیں بوبو کی عرفیت سے جانا جاتا ہے، برہان چشتی کی دلہن عام قد رکھتی ہیں، برہان چشتی کے بارے میں گلف نیوز کا کہنا ہے کہ وہ پولیو کا شکار ہیں اور ویل چیئر تک محدود ہیں لیکن اس سے ان کی
زندگی کو کوئی فرق نہیں پڑا، اوسلو میں ہونے والی اس شادی میں برہان چشتی اپنے دوستوں کے ہاتھوں میں رقص کر رہے ہیں اور وہ دلہن فوزیہ کے ساتھ سیلفی بھی لے رہے ہیں، برہان چشتی کی بیوی فوزیہ نے کہا کہ وہ بوبو سے محبت کرتی ہیں اور اپنے شوہر کا نام انہوں نے اپنے ہاتھ میں لکھوایا ہوا ہے۔دنیا بھر میں اس شادی کے چرچے ہیں، اس شادی میں تیرہ ممالک سے تعلق رکھنے والے مداح شریک ہوئے۔
