اسلام آباد(مانیٹرنگ ڈیسک)وزیراعظم عمران خان کاپنجاب کابینہ میں بڑے پیمانے پر اکھاڑ بچھاڑ کافیصلہ کر لیا گیا ۔کون ہوگا فارغ اور کسے ملے گا کابینہ کا ٹکٹ ؟ وزیراعظم نے منظوری دیدی ۔نجی ٹی وی کی رپورٹ کے مطابق وزیراعلی پنجاب عثمان بزدار نے عمران خان کو وزراء کی کارکردگی
رپورٹ پیش کر دی ہے جس کے بعد وزیراعظم نے وزیراعلی پنجاب کو کابینہ میں ممکنہ ردو بدل کا سنگل بھی دیدیا ہے ۔ ذرائع کا کہنا ہے کہ چند وزراء کی واپسی بھی ہو گی اور نئے چہرے بھی کابینہ کا حصہ بنے گے جبکہ پرانے وزراء کے قلمدان بھی تبدیل ہو سکتے ہیں ۔ وزیراعظم عمران خان نے وزیراعلی پنجاب عثمان بزدار کو آزادی مارچ سے نمٹنے کیلئے بھی اہم ذمہ داریاں سونپی ہیں ۔ دیگر سیاسی جماعتوں کی حمایت کیلئے رابطے کی بھی ذمہ داری دی ہے ۔ وزیراعظم اور وزیراعلی پنجاب کی ملاقات کے بعد کسی بھی وقت پنجاب کابینہ میں اکھاڑ بچھاڑ ہو سکتی ہے ۔ واضح رہے کہ اس سے قبل سابق وزیر بلدیات علیم خان اور وزیر جنگلات سبطین خان کی کابینہ میں واپسی کا امکان ظاہر کیا گیا تھا۔ذرائع نے بتایا کہ علیم خان کی کابینہ میں واپسی کا فیصلہ ہوچکا اور انہیں بلدیات اور پلاننگ اینڈ ڈیولپمنٹ کا محکمہ دیا جائے گا۔بتایا جارہا ہے کہ سبطین خان کی بھی واپسی کی صورت میں انہیںجنگلات کی وزارت واپس دے دی جائے گی جبکہ اسد کھوکھر کو کون سی وزارت دینی ہے اس کا فیصلہ آج ہوگا ۔ ذرائع کے مطابق اسد کھوکھر کو وزارت اطلاعات کی پیشکش کی گئی لیکن انہوں نے معذرت کرلی اور وہ جنگلات کی وزارت لینے کے خواہاں ہیں۔اسد کھوکھر نے وزیراعلیٰ سے ملاقات میں جنگلات کی وزارت کی خواہش کا اظہار کیا تھا
