ڈھاکہ (این این آئی)بنگلہ دیشی وزیر اعظم شیخ حسینہ نے اقوام متحدہ کی جنرل اسمبلی کے سالانہ اجلاس میں اپنے خطاب کے دوران عالمی برادری سے اپیل کی ہے کہ روہنگیا مہاجرین اور ان کی وجہ سے بنگلہ دیش حکومت کو درپیش مسائل کو سمجھا جائے۔ غیرملکی خبررساں ادارے کے مطابق جاری ایک بیان میں
انہوں نے کہاکہ روہنگیا بحران اب ایک علاقائی بحران بنتا جا رہا ہے۔ شیخ حسینہ کے مطابق صحت اور سکیورٹی اس وقت سب سے بڑے مسائل ہیں۔ اپنی تقریر میں بنگلہ دیشی وزیر اعظم نے ایک قرارداد کی تجویز بھی پیش کی، جس کے تحت میانمار کی حکومت اور عالمی برادری مہاجرین کی محفوظ واپسی کو یقینی بنائے۔
