لاہور( این این آئی) کینسر کے مریضوں کو ادویات کی مفت فراہمی بند ہونے کے خلاف لاہور ہائیکورٹ میں درخواست دائر کر دی گئی ۔ درخواست میں وزیراعلی پنجاب، وزیر صحت اور دیگر کو فریق بنایا گیا ہے ۔درخواست میں موقف اپنایاگیا کہ حکومت کی جانب سے کینسر کے مریضوں کو
ادویات کی عدم فراہمی کی وجہ سے 4 افراد جان کی بازی ہار چکے ہیں، پنجاب حکومت کی جانب سے ادویات کی عدم فراہمی حکومت کی نااہلی ہے۔استدعا ہے کہ کینسر کے مریضوں کو مفت ادویات فراہم کرنے اورحکومت سے رپورٹ طلب کرکے ذمہ داران کے خلاف کارروائی کا حکم بھی دیا جائے۔
