اسلام آباد(مانیٹرنگ ڈیسک)اپنے صارفین کو زیادہ سے زیادہ آسانی فراہم کرنے کے لئے پاکستان کے معروف ٹیلی مواصلات آپریٹرزونگ4Gنے متحدہ عرب امارات کیلئے 2 خصوصی پری پیڈ رومنگ پیکیجز کا آغاز کیاہے۔ پیکیجز کی تشکیل متحدہ عرب امارات کا سفر کرنے والے صارفین کی ضروریات کو مد نظر رکھتے ہوئے کیا گیا ہے تا کہ وہ بلا تعطل رومنگ سے مستفید ہو سکیں۔

زونگ4Gکے پری پیڈ کسٹمرز متعلقہ رومنگ بنڈلز متحدہ عرب امارات کے سفر کے دوران کر سکیں گے۔ صارفین310ڈائل کر کے بلا معاوضہ رومنگ حاصل کر سکتے ہیں اور رومنگ پیکجز کیلئے *4255#ڈائل کر کے اپنی پسند کا پیکیج حاصل کرسکتے ہیں۔ پیکیج نمبر1سات دنوں کے لئے 2جی بی ڈیٹا فراہم کرتا ہے انتہائی مناسب ریٹس PKR 999علاوہ ٹیکس۔ جبکہ پیکیج نمبر2کے تحت آپ 4جی بی ڈیٹا 15دنوں کیلئے صرف1999علاوہ ٹیکس حاصل کر سکتے ہیں۔

کمپنی کے ترجمان نے متعارف کردہ 2پیکیجز کی تفصیلات بتاتے ہوئے کہا کہ صارفین کی ضروریات کے ساتھ ہم آہنگ انتہائی جدید خدمات اور پراڈکٹس کی فراہمی کو یقینی بنانے میں ہمہ وقت کوشاں ہے۔ ان دو آسان پیکیجزکا تعارف ہمارے صارفین کو سفر کے دوران بغیر کسی رکاوٹ کے بہترین رابطوں کا تجربہ فراہم کرنے کی ہماری حکمت عملی کا ایک حصہ ہے۔ ہم چاہتے ہیں کہ ہمارے صارفین بیرون ملک سفر کے دوران بھی اپنے دوستوں اور رشتہ داروں سے جڑے رہیں۔
یہ آفر تمام زونگ 4Gکے پر ی پیڈ صارفین کو بغیر کسی رکاوٹ اور مشکل کے انٹرنیٹ کی خدمات حاصل ہو جاتی ہیں تا کہ بیرون ملک سفر کے دوران وہ اپنے دوستوں اور رشتہ داروں کے ساتھ جڑے رہیں۔ رومنگ کے تجربہ کو مزید پرکشش بنانے کیلئے لئے زونگ اپنے صارفین کو وٹس ایپ، فیس بک مسینجر اور سکائپ تک رسائی بھی فراہم کرتا جن پر متحدہ عرب امارات میں پابندی عائد ہے۔