اسلام آباد(نیوز ڈیسک) مصر کے شمالی شہر، بندر سعید میں فٹ بال اسٹیڈیم میں سنہ 2012 میں ہونے والے بلوے کے دوران 74 افراد کی ہلاکت اور سینکڑوں شائقین کے زخمی ہونے کے جرم پرمصر ی عدالت نے 11 افراد کو موت کی سزا سنائی ہے۔یہ مصر کی تاریخ میں فٹ بال میچ کے دوران ہونے والی سنگین ترین ہنگامہ آرائی ہے۔یہ بھگدڑ اس وقت مچی جب قاہرہ کے ’الاہلی‘ اور مقامی ’المصری‘ ٹیموں کے مقامی شائقین نے میدان پر دھاوا بول دیا اور باہر سے آئے ہوئے شائقین سے پنجہ آزمائی کی۔ عدالت نے 40 ملزمان کو 15 برس کی سزا بھی سنائی، جب کہ دیگر 20 افراد کو باعزت بری کرنے کے احکامات سنائے۔سنائی گئی سزائیں قابلِ اپیل ہیں۔