اسلام آباد(سی پی پی)سابق صدر آصف زرداری نے کہا ہے کہ حکومت انتقامی کارروائیوں کی حدیں عبور کررہی ہے،حکومت مرادعلی شاہ سمیت جس کو گرفتار کرنا چاہتی ہے کرلے۔سابق صدر نے صحافیوں سے غیر رسمی گفتگو کرتے ہوئے کہا ہے کہ حکومت سب کو گرفتارکرکے شوق پورا کر لے،ہمیں پروڈکشن آرڈر کی بھی کوئی ضرورت نہیں،ایک سوال کے جواب میں سابق صدر نے کہا کہ آج کل بارش ہو رہی ہیں پنڈی کا موسم بدل رہا ہے۔

تفصیلات کے مطابق احتساب عدالت میں سابق صدر آصف زرداری سے آصفہ بھٹو سمیت پیپلزپارٹی کے رہنماں نے ملاقات کی،ملاقات میں سیاسی صورتحال پر تبادلہ خیال کیا گیا،اس موقع پر صحافیوں سے گفتگو کرتے ہوئے سابق صدر نے کہا کہ حکومت انتقامی کارروائیوں کی حدیں عبور کررہی ہے،حکومت مرادعلی شاہ سمیت جس کو گرفتار کرنا چاہتی ہے کرلے،انہوں نے کہا کہ حکومت سب کو گرفتارکرکے شوق پورا کرلیے،ہمیں پروڈکشن آرڈر کی بھی کوئی ضرورت نہیں۔