اسلام آباد (این این آئی)مسلم لیگ (ن) نے مریم نواز سے متعلق الیکشن کمیشن کے فیصلے کو خوش آئند قرار دیتے ہوئے کہا ہے کہ الیکشن کمیشن کا فیصلہ یادگار فیصلہ ہے، اب بھی ایسے لوگ موجود ہیں جس سے لوگوں کو انصاف ملتا ہے۔سینیٹ میں اپوزیشن لیڈر راجہ ظفر الحق نے مریم نواز سے متعلق الیکشن کمیشن کے فیصلے پر ردعمل دیتے ہوئے کہا کہ یہ فیصلہ خوش آئند اور ایک یادگار فیصلہ ہے۔ انہوں نے کہا کہ اب بھی ایسے لوگ موجود ہیں جس سے لوگوں کو انصاف ملتا ہے۔ انہوں نے کہا کہ ان لوگوں کے باعث امیدیں زندہ رہتی ہیں۔