اسلام آباد (ین این آئی)روبینہ خالد کے گھر سے ساڑھے 14 من سونے کی برآمدگی کی جعلی پوسٹ شیئر کرنے والے ڈاکٹر انور اقبال منظر عام پر آگئے۔ ڈاکٹر انور اقبال کے مطابق مجھے سوشل میڈیا پر پوسٹ نظر آئی میں نے شیئر کر دی،میں نے اسے ایک مزاحیہ پوسٹ سمجھا اور بھیج دیا، جسطرح سے دوسرے یوزرز پوسٹ کو بھیجتے
ہیں میں نے بھی بھیج دیا۔انہوں نے کہاکہ اس معاملے پر اصل میں آگاہی نہیں ہے، سائبر کرائم کے معاملے پر آگاہی ہونی چاہیے،مجھ جیسے لوگوں کو آگاہی نہیں ہے تو دوسروں کا کیا کہا جا سکتا ہے۔ انہوں نے کہاکہ میں نے کمیٹی کے سامنے پیش ہو کر معافی مانگ لی ہے، کمیٹی کا مشکور ہوں کہ قائمہ کمیٹی نے مجھے معاف کر دیا۔
