اسلام آباد (مانیٹرنگ ڈیسک )سابق ایم پی اے پروین سکندرگل کوگھرمیں قتل کردیاگیا،پولیس نے تحقیقات کا آغاز کردیا ہے تفصیلات کے مطابق مسلم لیگ (ق) کی رہنما پروین سکندر لاہور کے علاقے نصیر آباد میں واقع اپنے گھر میں مردہ حالت میں پائی گئیں ہیں، حملہ آور نے رسی سے گلا گھونٹ کر انھیں قتل کیا ہے۔اطلاع ملتے ہی پولیس فرانز ک کی ٹیمیں
موقع پر پہنچ گئیں شواہد اکٹھے کرنے کے بعد تحقیقات کا آغاز کردیا ہے ۔ ابتدائی تحقیق سے یہ ذاتی دشمنی کا شاخسانہ لگ رہا ہے۔ پولیس نے بتایا ہے کہ مقتولہ سکندرپروین گھرکی بالائی منزل پر اکیلی رہتی تھیں،گھرکے نیچے والی منزل پرسکندرپروین کابھائی رہتاتھا۔مقتولہ پروین سکندر 60 سال کی تھیں اور وہ اپنے کمرے میں مردہ حالت میں پائی گئیں ہیں ۔ پولیس کا کہنا تھا کہ ان کے گلے پررسی کے نشانات ہیں۔پروین سکند ر گل کے اہلخانہ نے میڈیا سے گفتگو کرتے ہوئے بتایاکہ ان کی کسی سے کوئی دشمنی نہیں تھی ۔گھر میں چوری بھی تین بارہوچکی ہے ۔ قتل میں 2سے 3افراد ملوث ہوسکتے ہیں ۔ آئی جی پنجاب عارف نواز نے سابقہ ایم پی اے پروین سکندر گل کے قتل کا نوٹس لیتے ہوئے سی سی پی او سے واقعہ کی فوری رپورٹ طلب کرلی ۔ آئی جی پنجاب کاکہنا ہے کہ قتل میں ملوث ملزمان کو جلد ا ز جلد گرفتار کیا جائے ۔ یادرہے کہ سابقہ ایم پی اے پروین سکندر گل غیر شادی شدہ تھیںاور پرویزمشرف دور میں ق لیگ کے ٹکٹ پر رکن پنجاب اسمبلی منتخب ہوئی تھیں۔پروین سکندر001 میں ضلع کونسل کی ممبر منتخب ہوئی تھیں اور لاہور سٹی کونسل کی ڈپٹی اسپیکر بھی تھیں۔ اس سے قبل وہ کونسلر اور چیئرمین کے عہدے پر بھی رہی تھیں۔