پیرس (آن لائن)پاکستان مسلم لیگ (ن) کے رہنما چوہدری عابد شیر علی نے کہا ہے کہ سلیکٹڈ وزیراعظم کی حکومت نے کشمیریوں کے خون کا واشنگٹن میں سودا کر دیا ہے، کشمیریوں کی 70 سالہ قربانیوں کو بیچ دیا ہے۔چوہدری عابد شیر علی دورہ فرانس کے موقع پر پارٹی رہنما چوہدری طاہر محمود گجر اور شکیل بھٹی کی طرف اپنے اعزاز میں منعقدہ تقریب کے موقع پرمیڈیا سے گفتگو کررہے تھے۔ اس دوران انہوں نے کہا کہ ہماری حکومت کے دور میں مودی کی جرات نہیں تھی

کہ کشمیر کی طرف بربریت تو کیا میلی انکھ سے بھی دیکھتا، اب وہ وہاں نہتے معصوم لوگوں کی قتل وغارت کررہا ہے۔انہوں نے کہا کہ آج وہ روس گیا ہے اس سے پہلے وہ عرب ممالک اور یورپی ممالک کا دورہ کر چکا ہے ہماری حکومت کی خارجہ پالیسی ناکام ہو ٓچکی ہے یہ تو ہماری بہادر مسلح افواج کی ہمت ہے کہ وہ قربانی دے کر اپنا دفاع کررہے ہیں۔ضرورت سفارت کاری اور مسلح افواج کا ساتھ دینے کی ہے نیازی حکومت کی سفارت کاری مکمل طور پر ناکام ہو چکی ہے۔