واشنگٹن(این این آئی)امریکا نے ایران کی تین خلائی ایجنسیوں پر پابندیاں عا ئد کردی ہیں۔ان میں ایک خلائی ادارہ اور دو تحقیقاتی مرکز ہیں۔غیرملکی خبررساں ادارے کے مطابق بدھ کو جاری کئے گئے ایک بیان میں امریکا کے محکمہ خزانہ نے کہاکہ ایران کی خلائی ایجنسی ،ایران سپیس ریسرچ سنٹر اورآسٹروناٹیکس ریسرچ انسٹی ٹیوٹ پر

پابندیاں عا ئد کی گئی ہیں۔امریکی صدر ڈونلڈ ٹرمپ مئی 2018ء میں ایران سے جولائی 2015ء میں طے شدہ جوہری سمجھوتے سے دستبردار ہوگئے تھے اور نومبر میں ایران کیخلاف سخت اقتصادی پابندیاں عا ئدکردی تھیں جس سے اس کی معیشت زبوں حال ہوچکی ہے۔امریکا نے تب سے ایران کے اداروں اور سرکاری شخصیات کے خلاف پابندیاں عا ئد کرنے کا سلسلہ جاری رکھا ہوا ہے۔