اسلام آباد(این این آئی)پاکستان کرکٹ ٹیم کے ہیڈ کوچ کیلئے رقم کے انتخاب پر پاکستان کرکٹ بورڈ (پی سی بی) تذبذب کا شکار ہوگیا۔ذرائع نے بتایا کہ مصباح الحق مکی آرتھر کی طرح بھاری معاوضے کے خواہاں ہیں،بتایا جارہا ہے کہ مصباح الحق کو بھاری معاوضہ دینے یا نہ دینے پر پی سی بی میں غور و فکر جاری ہے ۔ذرائع کے مطابق مصباح الحق پاکستان سپر لیگ (پی ایس ایل) میں کسی فرنچائز
کیساتھ ذمہ داری نبھانے پر بھی متفق نہیں ،۔پی سی بی عام طور پر ملکی کوچز کو غیر ملکی کوچز کے برابر معاوضہ دینے کا قائل نہیں۔سابق کوچ مکی آرتھر کو ماہانہ 20 ہزار ڈالر ماہانہ معاوضہ ملتا تھا تاہم پی سی بی اتنی رقم کسی پاکستانی کوچ کو دینے میں دلچسپی نہیں رکھتا۔پاکستان کرکٹ ٹیم کے لئے ہیڈ کو چ کی پوزیشن کے لیے ڈین جونز سمیت کئی نامور شخصیات نے درخواستیں دے رکھی ہیں۔
