اسلام آباد (این این آئی) اسلام آباد سپورٹس ویلفیئر ایسوسی ایشن کے زیراہتمام اسوا اکیڈمی انڈر18فٹ بال ٹورنامنٹ (کل) جمعہ سے اسلام آباد میں شروع ہوگا، ٹورنامنٹ کا افتتاح رکن میونسپل کونسل سوات اور مانیار فٹ بال کلب کے سیکرٹری حاجی نواب خان کریں گے، اسلام آباد سپورٹس و ویلفیئر ایسوسی ایشن ( اسوا) کے صدر رانا تنویراحمد نے بتایا کہ ٹورنامنٹ میں ملک بھر سے30 سے زائد ٹیمیں ناک آئوٹ سسٹم پرحصہ لے رہی ہیں،

ٹورنامنٹ کے میچز ہرجمعہ، ہفتہ اور اتوار کو کھیلے جائیں گے،میچز کے دوران کھلاڑی کو عمر کے ثبوت کیلئے اپنے ہمراہ اصل شناختی کارڈ یا ب فارم لانا ضروری ہوگا، ٹورنامنٹ کے ڈراز (آج) جمعرات کو نکالے جائیں گے، ٹورنامنٹ میں شرکت کی خواہش رکھنے والی ٹیمیں اپنے اپنے ناموں کا اندراج (آج) جمعرات شام چھ بجے تک ٹورنامنٹ سیکرٹری محمد صدیق بنگش فون نمبر 5750552 0333-پرکرواسکتے ہیں، ٹورنامنٹ آرگنائزنگ کمیٹی میں عثمان یامین، عثمان اسلم اور محمد نواز شامل ہیں۔