اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے سرکاری گیسٹ ہاؤس، نتھیاگلی عوام کے لئے کھولنے کے عمران خان کے ٹویٹ پر تبصرہ کرتے ہوئے کہاہے کہ عمران صاحب آپ نے ملک کو نوآبادیات کی عبرتناک مثال بنایا ہوا ہے،عمران صاحب خیبر پختونخواہ میں نتھیا گلی کا سرکاری ریسٹ ہاؤس عوام کے کئے کھولنے میں آپ کو 6 سال لگے۔
عمران صاحب چھ سال بعد نتھیا گلی کا سرکاری گیسٹ ہاؤس کھولنے سے عوام کو روٹی ، کاروبار اور روزگار نہیں ملے گا ۔ ایک بیان میں انہوں نے کہاکہ عمران صاحب نتھیا گلی کے سرکاری گیسٹ ہاؤس کو عوام کے لئے کھولنے سے پہلے آپ عوام کو اپنی آمرانہ اور فسطائی سوچ سے آزاد کریں ۔انہوں نے کہاکہ عمران صاحب نتھیا گلی کے سرکاری گیسٹ ہاؤس کو عوام کے لئے کھولنے کے ڈرامے سے مہنگائی دس فیصد سے کم اور ترقی کی شرح 3 فیصد سے زیادہ نہیں ہوگی ۔ انہوں نے کہاکہ عمران صاحب ٹیکس دینے والوں کے پیسوں سے صرف ایک سال میں حکومتی اخراجات میں 1100 ارب کا اضافہ ہوا۔ انہوں نے کہاکہ عمران صاحب ٹیکس دینے والوں کے دکھ کا ڈرامہ نہ کریں ۔انہوں نے کہاکہ ٹیکس دینے والوں کا ایک کھرب میٹرو پشاور کے کھڈوں پہ ضائع ہوچکا ہے ۔انہوں نے کہاکہ عمران صاحب چھ سال بعد نتھیا گلی کا سرکاری گیسٹ ہاؤس کھولنے سے عوام کو روٹی ، کاروبار اور روزگار نہیں ملے گا ۔انہوں نے کہاکہ عمران صاحب نتھیا گلی گیسٹ ہاؤس کھولنے سے عوام کو ایک کروڑ نوکری اور پچاس لاکھ گھر نہیں ملیں گے ۔انہوں نے کہاکہ عمران صاحب وزیراعظم ہاؤس کو یونیورسٹی بنانے ، انڈے، کٹے ، مرغیوں ، بکریوں سے جی ڈی پی نہیں بڑھے گا ۔انہوںنے کہاکہ عمران صاحب وزیراعلیٰ ہاؤس کی دیواریں توڑنے سے آپ کی لائی ہوئی معاشی تباہی ٹھیک نہیں ہو گی۔
