اسلام آباد (نیوز ڈیسک) پاکستان مسلم لیگ (ن) کے رہنما شہباز شریف نے اپنے ایک ٹوئٹ میں کہا کہ ڈیلی میل نے کہا تھا کہ جلد جواب دیا جائے گا لیکن یہ نہیں بتایا تھا کہ کب، شہباز شریف نے کہا تھا کہ میرے وکلاء کو ڈیلی میل کی جانب سے ابھی تک کوئی جواب موصول نہیں ہوا، اس کے جواب میں ڈیلی میل کے رپورٹر ڈیوڈ روز نے اپنے ٹوئٹر پیغام میں

کہا ہے کہ ڈیلی میل نے کئی دن پہلے آپ کے وکلاء کو ایک خط بھیجا تھا وہ آپ کو شاید بتانا بھول گئے ہوں، انہوں نے مزید لکھا کہ اس بات کو یکسر مسترد کرتے ہیں کہ ہم نے جعلی کہانی شائع کی۔واضح رہے کہ میاں شہباز شریف دعوے کے باوجود ابھی تک کارروائی نہیں کر سکے ہیں، جس پر ڈیوڈ روز نے ایک بار پھر چیلنج کر دیا ہے۔