لاہور(این این آئی) احتساب عدالت میں (آج)بدھ کو شریف خاندان کے افرادکی پیشیاں ہوں گی۔شہباز شریف، حمزہ شہباز، مریم نواز اور یوسف عباس احتساب عدالت میں پیش ہوں گیآج احتساب عدالت میں آشیانہ اقبال ہاؤسنگ سوسائٹی اسکینڈل، رمضان شوگر ملز کیس، چوہدری شوگر ملز اور منی لانڈرنگ و آمدن سے زائد اثاثہ جات کیسوں کی سماعت ہو گی۔ نیب کی جانب سے

مریم نواز اور یوسف عباس شریف کو نیب کی جانب سے 12 روزہ جسمانی ریمانڈ مکمل ہونے پر پیش کیا جائے گا۔حمزہ شہباز کو آمدن سے زائد اثاثہ جات و منی لانڈرنگ کیس میں 11 روزہ جسمانی ریمانڈ کے بعد عدالت کے روبرو پیش کیا جائے گا۔ حمزہ شہباز، مریم نواز، یوسف عباس کو ڈیوٹی منتظم جج محمد نعیم ارشد کی عدالت میں پیش کیا جائے گا۔شہباز شریف یوم آزادی پر کمر میں لگنے والی چوٹ کے باعث ڈاکٹروں کی تجویز پر بیڈ ریسٹ پر ہیں اور امکان ہے کہ کمر میں تکلیف کے باعث شہباز شریف عدالت کے روبرو پیش نہیں ہوں گے اور ان کی میڈیکل رپورٹس عدالت کے سامنے پیش کر کے ان کی طبی بنیادوں پر ایک دن کے لئے حاضری سے استثنا ء کی درخواست دائر کی جائے گی۔ ذرائع کے مطابق شریف خاندان کے اہم افراد کی احتساب عدالت میں پیشی کے موقع پر لیگی رہنما ؤں اورکارکنان کو سیکرٹریٹ چوک اور ایم اے او کالج پہنچنے کی کال دیدی گئی ہے۔پولیس کی جانب سے بھی سکیورٹی کیلئے سخت انتظامات کی تیاریاں مکمل کرلی گئی ہیں اور احتساب عدالت آنے والے راستوں کوکنٹینر اوربیرئیرز لگاکربند رکھاجائے گا۔