اسلام آباد(نیوزڈیسک)مشہور زمانہ سماجی رابطوں کی سروس واٹس ایپ جو کہ آج کل واٹس ایپ کالنگ فیچر کو ونڈوز فون پر متعارف کروانے لیے اپنے پرائیویٹ بیٹا ورڑن میں ٹیسٹ کرنا شروع کر دیا ہے۔ واٹس ایپ اس سے قبل یہ فیچر اینڈرائڈ، آئی فون اور بلیک بیری آپریٹنگ سسٹم کے پلیٹ فارم پرپہلے ہی متعارف کروا چکی ہے اور عوام الناس میں خوب پذیرائی حاصل کر رہی ہے۔گو کہ ونڈوز فون پر ابھی یہ فیچر واٹس ایپ نے پرائیویٹ بیٹا ورڑن میں متعارف کروایا ہے اور امید کی جا رہی ہے کہ اسے بہت جلد تمام ونڈوز فون صارفین کے لیے متعارف کروا دیا جائے گا اور ونڈوز فون مالکان بھی اس فیچر کا بے صبری سے انتظار کر رہے ہیں۔اس وقت واٹس ایپ کو ونڈوز فون پر کئی دشواریوں کا سامنا ہے اورمتعدد صارفین نے یہ بات رپورٹ بھی کی ہے کہ واٹس ایپ کے استعمال پر ان کے فون کی بیٹری جلد ختم ہو جاتی ہے۔مائیکروسافٹ اس حوالے سے واٹس ایپ کوکالنگ فیچر کی فراہمی اور دوسرے ایشوز کے خاتمے کے لیے اپنی خدمات فراہم کر رہا ہے۔ اس سے یہ بات عیاں ہے کہ مائیکروسافٹ اپنے ونڈوز فون پلیٹ فارم کو اینڈرائڈ اور دوسرے آپریٹنگ سسٹم سے مقابلے میں لانا چاہتا ہے اور فیچر کی دستیابی کے بعد یہ امید ظاہر کی جارہی ہے کہ ونڈوز فون کی خرید میں اضافہ ہو گا۔