بیجنگ (این این آئی)چین نے ہانگ کانگ میں مظاہرے کرنے والوں کو خبردار کیا ہے کہ وہ آگ سے کھیلنے سے اجتناب کریں۔تفصیلات کے مطابق ہانگ کانگ میں مظاہروں کا سلسلہ گزشتہ نو ہفتوں سے جاری ہے۔ گزشتہ روز مظاہرین اور پولیس اہلکاروں میں جھڑپوں کے بعد پولیس نے قریب ڈیڑھ سو افراد کو حراست میں
لے لیا تھا۔ اس تناظر میں چین کے ہانگ کانگ سے متعلق امور کے ترجمان یانگ گوآنگ نے مظاہرین کو تنبیہ کرتے ہوئے کہا کہ وہ آگ سے کھیلنے سے اجتناب کریں۔ گوآنگ نے بظاہر امریکا کا بالواسطہ حوالہ دیتے ہوئے ’پس منظر میں رہتے ہوئے مظاہرین کی حمایت کرنے والوں کو بھی نتائج سے خبردار کیا۔
