بیجنگ (نیوز ڈیسک) پاکستان کے صوبہ بلوچستان کے شہر گوادر میں نیوی اڈہ بنانے کے بارے میں چین نے دو ٹوک الفاظ میں واضح کر دیا ہے کہ گوادر میں نیوی کا اڈہ بنانے کا کوئی ارادہ نہیں ہے، قومی دفاع کے حوالے سے چائنہ اکنامک نیٹ نے وائٹ پیپر کا حوالہ دیتے ہوئے کہا کہ حکومت نے چین اور کمبوڈیا کے درمیان ہونے والے خفیہ معاہدے اور
گوادر میں چینی بیس بنانے سے متعلق میڈیا میں گرم افواہوں اور قیاس آرائیوں کو مسترد کیا ہے، میڈیا رپورٹس میں یہ الزام لگایا گیا تھا کہ چین کا بیلٹ اینڈ روڈ منصوبہ عسکری نوعیت کا ہے جبکہ مغربی سکالر کا یقین ہے کہ چین کا بیلٹ اینڈ روڈ کے منصوبے کا مقصد عسکری و معاشی تعاون کی آڑ میں دوسرے ممالک کو جال میں پھنسانا ہے۔
