لاہور( این این ائی)لاہور ہائیکورٹ نے پسند کی شادی کرنے والی لڑکی کو شوہر کے ساتھ جانے کی اجازت دیدی ، لڑکی کی والدہ احاطہ عدالت میں چیخ و پکار کرتی رہی ۔لاہور ہائیکورٹ میں دوران سماعت رضیہ بی بی نے موقف اپنایا کہ مجھے کسی نے اغواء نہیں کیا ،میں نے پسند کی

شادی کی ہے ۔گھر والوں نے شوہر پر اغوا کا مقدمہ درج کروا رکھا ہے۔ میں اپنے شوہر کے ساتھ جانا چاہتی ہوں ۔ عدالت نے لڑکی کو اپنے شوہر کے ساتھ جانے کی اجازت دیدی ۔ لڑکی کی والدہ احاطہ عدالت میں اپنی بیٹی کے لئے چیخ و پکار کرتی رہی لیکن لڑکی اپنے شوہر کے ساتھ روانہ ہو گئی ۔