فیصل آباد (آئی این پی )رانا ثناءاللہ کے قریبی ساتھی کو قانون نافذ کرنے والے ادارے نے حراست میں لیا، پوچھ گچھ بہیما نہ تشدد کے بعد گھر سے 20کلو میٹر دور چھوڑ دیا گیا، یونین کونسل ظفر کا لو نی کے چیئر مین سا بق صو با ئی وزیر قانون پنجاب کے قریبی سا تھی عبدالمالک نے میڈ یا سے گفتگو کر تے ہو ئے بتا یا گز شتہ 2دن پہلے کسی قانون نافذ کرنے والے ادارے کے اہلکاروں نے زبردستی گھر میں گھس کر چادر اور چار دیواری تقدس پامال کیا
مجھے حراست میں لیکر خواتین کے سا تھ بدتمیزی کی۔ نا معلوم مقام پر لے جاکر مجھ پر بہیما نہ تشدد کر تے رہے اور را نا ثنا اللہ کے اثاثوں کے بارے میں پوچھ گچھ کر تے رہے، بعد ازاں رات کے وقت مجھے گھر سے 20 کلو میٹر دور منیاں والا کے علاقے میں چھوڑ گئے مجھے ایک گوالے نے گھر پہنچا یا۔ سینئر رہنماءاظہار یکجہتی کے لیے ان کے گھر گئے اور انہیں اپنی مکمل حمائت کا یقین دلا تے ہو ئے کہا کہ مسلم لیگ نون ان کے ساتھ ہے۔
