کراچی(آن لائن)مالی سال 2019 کے دوران تجارتی خسارے میں گزشتہ سال کے مقابلے میں 15 فیصد کمی ریکارڈ کی گئی ہے۔وفاقی ادارہ شماریات کے جاری کردہ اعدادوشمار کے مطابق مالی سال 2019 میں تجارتی خسارے کی مالیت 37.58 ارب ڈالر کم ہوکر 31.82 ارب ڈالرکی سطح پر آگئی۔ اعدادوشمارکے مطابق جون 2018 کے مقابلے میں جون 2019 کے دوران
تجارتی خسارے میں 30 فیصد کی نمایاں کمی واقع ہوئی۔مالی سال 2019 میں درآمدات 10 فیصد کمی سے 54.79 ارب ڈالر رہیں جبکہ مالی سال 2018 میں 60.79 ارب ڈالر کی درآمدات کی گئیں تھیں۔مالی سال 2019 میں برآمداتایک فیصد کی کمی سے 22.97 ارب ڈالر رہیں۔ تجارتی خسارہ جون 2018 میں 3.77 ارب ڈالر کے مقابلے میںجون 2019 میں 2.64 ارب ڈالر رہا۔
