بدین(آن لائن)صوبہ سندھ کے ضلع بدین کے تاریخی قبرستان سے بچوں کی لاشیں غائب ہونے پر اہل علاقہ میں خوف و ہراس بھیل گیا ہے۔تفصیلات کے مطابق بدین شہر کے تاریخی شاہ قادری قبرستان سے گذ شتہ ایک ہفتے کے دوران بچوں کی قبروں میں سے پانچ کی لاشیں مبینہ طور غائب ہوئی ہیں،بچوں کی لاشیں غائب اور بے حرمتی کے واقعات سامنے آنے کے بعد علاقے میں خوف
کی صورتحال ہے جبکہ انتظامیہ لاعلم ہے۔علاقہ مکینوں کا کہنا ہے کہ قبرستان میں رات کے وقت مشکوک افراد کو دیکھا گیا ہے یہ کام جادو ٹونے کیلئے کیا جارہا ہے جبکہ چاردیواری نہ ہونے کے باعث آوارہ کتے بھی قبرستان میں نظر آتے ہیں۔علاقہ مکینوں کا کہنا ہے کہ حساس معاملے پر ضلعی انتظامیہ کو اطلاع دینے کے باوجود تاحال انتظامیہ نے کسی قسم کا کوئی نوٹس نہیں لیا ہے۔
