اسلام آباد (این این آئی)جعلی اکاؤنٹس کیس میں گرفتار تین ملزمان خورشید انور جمالی ، سید عارف علی اور سید آصف محمود نے پلی بار گین کی درخواست کر دی ۔ جمعرات کو جعلی اکائونٹس کیس کی سماعت جج محمد بشیر نے کی ۔ در ان سماعت ملزمان خورشید انور جمالی،سید عارف علی اور سید آصف محمود نے پلی بارگین کی درخواست کر دی ہے ،تینوں ملزمان کی جسمانی ریمانڈ میں 16 جولائی تک توسیع کر دی۔ جج محمد بشیر نے

تفتیشی افسر سے استفسار کیا کہ ان کی پلی بارگین درخواست کا کیا بنا ہے۔ تفتیشی افسر نے جواب دیا کہ ملزماں کی درخواست پر پراسس جاری ہے۔ جج نے کہاکہ کب تک پراسس مکمل ہو جائے گا۔ تفتیشی افسر نے کہاہ کچھ دن اور لگیں گے،ہر چیز دیکھنا ہوتا ہے جج محمد بشیر نے کہاکہ اس مرتبہ مکمل کر لیں۔تفتیشی افسر نے کہاکہ جی انشا اللہ مکمل کر لیں گے۔بعد ازاں عدالت نے ملزمان کو 16 جولائی کو دوبارہ پیش کرنے کا حکم دیا ۔