نیویارک(آن لائن)انٹرنیشنل کموڈٹی ایکسچینج میں کافی کے نرخوں میں اضافہ جبکہ چینی و کوکوا کے نرخوں میں کمی ہوئی۔ایکسچینج اربیکا کافی کے ستمبر کے لیے سودے 2.75 سینٹ (2.6 فیصد ) بڑھ کر 1.0945 ڈالر فی پونڈ پر بند ہوئے۔روبسٹا کافی کے ستمبر کے لیے سودے 21 ڈالر (1.5 فیصد ) اضافے کیساتھ 1451 ڈالر فی ٹن پر بند ہوئے۔خام چینی کے جولائی کیلئے سودے 0.21 سینٹ (1.7 فیصد ) گر کر 12.32 سینٹ فی پونڈ طے پائے۔

اکتوبر کے لیے خام چینی کے سودے 0.16 سینٹ (1.3 فیصد ) کمی کے ساتھ 12.62 سینٹ فی پونڈ طے پائے۔سفید چینی کے اگست کے لیے سودے 0.3 ڈالر (0.9 فیصد ) کمی کے ساتھ 328.40 ڈالر فی ٹن طے پائے۔کوکوا کے ستمبر کے لیے نیویارک کے سودے 28 ڈالر (1.1 فیصد) کم ہوکر 2425 ڈالر فی ٹن طے پائے۔کوکوا کے ستمبر کے لیے لندن کے سودے 16 پائونڈ سٹرلنگ (0.88 فیصد) کمی کے ساتھ 1805 پائونڈ سٹرلنگ فی ٹن طے پائے۔